Stigao je novi Google Chrome, a s njim i novi tamni način rada

16

Najnovija verzija popularnog Guglovog pretraživača donosi nekoliko ključnih novih stavki, uključujući poboljšani sistem za lozinke i trajni tamni način rada.

Najnovija verzija Guglovog pretraživača Chrome konačno je došla na Mac, Windows, Linux, Android i iOS, donijevši novi meni za modifikovanje stranice nastale u novoj kartici, “prisiljeni” tamni mod, podršku za Password Checkup i mnogo drugih izmjena.

Nova verzija omogućava puno više trikova koje možete izvesti otvaranjem nove kartice – sada je tu mnoštvo slika i tema koje možete birati, a moguće je i mijenjati izgled prečice, prijedloge za prečice, birate prečice ili ako tako želite – bez prečica.

Trajni tamni mod rada (Forced Dark Mode) omogućiće zatamnjenu paletu boja na svakoj stranici – podržava li ona tamniju paletu ili ne – značajka se navodno ne sukobljava sa kodom same stranice, nego umjesto toga koristi inverziju boja kako bi stranice promijenila u njihove “tamne” verzije.

Guglova ekstenzija za provjeru lozinki s kojom se družimo još od februara uskoro će biti potpuno integrisana u Chrome 78 te će nam predložiti promjenu lozinke u slučaju da ona nije dovoljno efektivna.

Što se ostalih noviteta tiče, tu su specijalne lebdeće kartice koje korisniku omogućavaju lakšu navigaciju kroz otvorene tabove, a pridružena im je Click-to-Call funkcija kojom je moguće naglasiti telefonske brojeve na stonom računarlu i poslati ih na Android smartfon, prenosi Engadget.