Nadal: Novak me razbio u Australiji, sada sam ja njega

5
Foto: Roland-Garros/Twitter

Španski teniser Rafael Nadal nakon osvajanja titule na Rolan Garosu izjavio je da je ostvario veliki uspjeh u teškoj godini, u kojoj je koronavirus dosta doga promijenio. Nadal je rekao da se on i Novak smjenjuju u pobjedama, a da je sada red bio na Španca da upiše trijumf.

Nadal je na dominantan način savladao Novaka sa 3:0 u osvojio 13. trofej na Rolan Garosu.

– Čestitke Novaku na još jednom sjajnom turniru, on je mene razbio u Australiji, sada je došao red da ja pobjedim njega, sve je to dio igre. Mnogo puta smo igrali jedan protiv drugog, jednom pobjedi jedan, drugi put drugi. Sve najbolje mu želim u budućnosti – prvi su utisci Nadala nakon finala.

Španski teniser uputio je zahvalnicu svom timu i porodici, koji su bili uz njega u teškom periodu.

– Zahvaljujem se svom timu. Poslije svega kroz šta sam prolazio, kroz razne povrede, bez velikog tima, ne bi bilo ništa od ovoga. Mnogo im se zahvaljujem, ne samo timu, već svima. Porodici i navijačima, kako onima što su ovdje, tako i svima što su ostali kod kuće. Šaljem poruku svima širom svijeta, da shvate da smo u veoma teškom trenutku zbog virusa koji nas je snašao. Želim svima da ostanu pozitivnih misli i da vjeruju da ćemo prevazići sve – dodao je Rafa.

Nadal je pobjedom nad Đokovićem izjednačio i oborio brojne rekorde, ali trenutno ne razmišlja o njima.

– Bila je ovo jedna veoma teška godina, ali pobjediti ovdje mi znači sve. Ne razmišljam o rekordima, Federeru ili Novaku, meni je sada bitan Rolan Garos, on mi je sve u karijeri, ovdje sam imao najznačajnije trenutke i zato kažem svima u publici, samo igranje ovdje je meni inspiracija, mnogo lijepih emocija imam ovdje i neću nikad zaboraviti ostvarene uspjehe – zaključio je Nadal.